Avtomobillərin hər il texniki baxışdan keçirilməsinə ehtiyac varmı?
Azərbaycanda avtomobillər "Yol hərəkəti haqqında" qanuna görə ildə bir dəfə çətin sınaqdan keçirlər. Daha doğrusu avtomobillər yox, onların sahibləri. Belə ki, avtomobillər ildə bir dəfə Dövlət Yol Polis İdarəsində texniki baxışdan keçərək, texniki baxış talonu almalıdırlar. Rüsuma gəlincə, mühərrikinin həcmi 2000 kub sm-ə qədər olan minik avtomobilləri üçün hər kub sm görə 1 qəpik, 2000 kub sm-dən çox olan minik avtomobilləri üçün 20 manat vergi tutulur. Üstəgəl 2000 kub sm-dən artıq hər kub sm-ə görə 2 qəpik yol vergisi verməlisən. Əlavə olaraq avtomobilə göstərilən xidmətə görə, 10 manat dövlət rüsumu ödənilir.
Qanunda müəyyən olunan müddət və qaydalar çərçivəsində nəqliyyаt vаsitələrini teхniki bахışdаn keçirmədiyinə görə, fiziki şəхslərə 30, vəzifəli şəхslərə isə 40 mаnаtdаn 70 mаnаtаdək cərimə nəzərdə tutulur.
Amma sürücülərin əksəriyyəti texniki baxışın sadəcə olaraq formal xarakter daşıdığını və əslində maşınların heç də texniki baxışdan keçmədiyini bildirirlər. Sürücü Taleh Hüseynov deyir ki, indiyədək hər il avtomobilini texniki baxışdan keçirib və bir dəfə də olsun, maşınına həqiqətən texniki baxış keçirilməyib. Hər dəfə də müəyyən rüsumu ödəyərək, avtomobilinin ön şüşəsinə texniki talon yapışdırıb.
