Mercedes S-Class`ın çox güclü versiyasi

Ənənəyə görə, belə avtomobil gücü 600 a.g.-dən çox olan V-şəkilli 12-silindrli mühərriklə təchiz olunacaq. Şaiyələrə görə, markanın alman dilerləri avtomobil üçün sifarişləri gələn ilin yanvarında qəbul etməyə başlayacaqlar.  Xatırladaq ki, bu yaxınlarda təqdim olunan yeni nəsil “S-klass”-ın artıq cox güclü və sürətli - S63 AMG (şəkildə) – versiyası var. Avtomobilin kapotunun altında yerləşən iki turbinli V-şəkilli “səkkizlik” 585 a.g. verir və 100 km/s-i 4,5 saniyəyə yığır. Lakin, “Mercedes”-in böyük və bahalı modellərində AMG isimlikli iki modifikasiyanın olması adi haldır. Məsələn, əvvəlki nəsil “S-klass”-da  S63 AMG versiyası ilə birgə daha güclü S65 AMG versiyası da var idi. Bütün bunlar elə hazırda buraxılan kabriolet “SL”-də də var. Bu halda “65” rəqəmi V-şəkilli, 12-silindirli, 6-litrlik həcmi və 2 turbini olan mühərrik deməkdir. Ötən nəslin “S65 AMG”-də o 612 a.g. verirdisə, indi yeni sedanın kapotu altında daha güclü – 630-güclü mühərrikin dayanacağı gözlənilir. 100km/s çatmağa 4 saniyə sərf olunacaq, yanacağın orta sərfiyyatı isə 100 km məsafəyə 11,6 litr olacaq.