MERCEDESDƏN SADƏCƏ LOGO QALİBSA ONU ALMAĞA DƏYMƏZ
Hörmətli istifadəçilər bildiyiniz kimi Azərbaycanda VAZ avtomobillərindən sonra ən çox Mercedes avtomobili istifadə edilir.
Sözsüz Mercedes mükəmməl bir avtomobildir. Hər mənada bu avtomobilin tayı olmadığını mən də qəbul edirəm. Avtomobil baha olmasına baxmayaraq böyük rəğbət görür. Təbii ki Azərbaycanda işlənmiş Mercedeslər daha çox alınır.
Elə bu anda istifadəçilərimiz bir problemlə üzləşir. Mənə işlənmiş avtomomobil almaqla bağlı sual verilir.Deyirlər ki " İstəyirəm Mercedes alım, amma pulum azdır .Nə məsləhət görürsünüz? Ucuz olsun xərci az olsun "
Mercedes əla avtomobildir. Amma siz onu ona görə sevirsiniz ki o yaxşı maşındır. Əslində əgər maşın sizi incitsə siz onu sevmərsiniz.
Elə sırf üstündə Mercedes logosu var deyə hər maşına yaxşı keyfiyyətli demək olmaz.Çünki istər Mercedes olsun istər başqa bir marka hər bir avtomobilin istismar müddəti var. Ondan sonra o sadəcə bir metaldır. Belə hallarda Mercedesdə heç bir Mercedeslik qalmır. Sadəcə bir dənə logosu qalır. Əgər avtomobil texniki cəhətdən saz deyilsə istənilən marka sizi incidəcək.
Ona görə hörmətli istifadəçilər, həddindən artıq ucuz , cox işlənmiş Mercedes alanda diqqətli olun, ola bilər ki, artıq o Mercedesdən sadəcə logosu Mercedes olaraq qalıb qalan hər yeri işə yaramazdır.
