“ USTA, MAŞINI YOXLATDIRMIŞAM TƏMİZDİ, AMMA Kİ MAŞIN YENƏDƏ İŞLƏMİR”

MAŞINI YOXLATDIRDIM , TƏMİZDİ – AMMA Kİ İŞLƏMİR

Demək olar ki, istifadəçilərin 87 faizi bu müraciətlə bizə yazır
“ Usta maşını yoxlatdırmışam təmizdi, amma ki maşın yenədə işləmir” belə bir sual demək olar ki hər gün gəlir.
Təbii ki , məndə sual verirəm “qardaş nəyi yoxlatdırmısan?”
Cavab demək olar ki eyni olur “Maşını”
-Maşının harasını?
Cavab:Onu bilmirəm amma usta komputerə saldı.

        Hörmətli sürücülərimiz və saytımızın userləri , sizdən çox xahis edirəm ki, nəyi yoxlatdırırsınızsa, hansı aparatla yoxlatdırırsınızsa  bunu qeyd edin. Nəticəni də protokol şəklində götürün ki sizdə olsun.
Bunu loru dildə başa salsam , siz sanki həkimə deyirsiniz ki "Həkim özümü yoxlatdırdım amma ağrıyıram"

Demeli həkim soruşacaq:
-Siz haranızı yoxlatdırdınız? (əgər cavab yoxdursa həkim heçnə cavab verə bilməyəcək)
Siz nə ilə yoxlatdırdıniz? ( bu da vacibdir çünki həkim bilmədir ki, siz hansı aparata girmisiniz çünki aparatların bir birindən fərqi var, təyinatı ayrıdır)
Sizə yoxlama nəticəsini verdilərmi?( çünki aparata baxan həkim bir nəticə yazmalıdır ki, ümümi vəziyyəti digər həkimlər də bilsin)

        Əgər bunları deməsəniz , sizin yoxlanmağınızın olduğunuzun bir fərqi varmı? Əlbətdə yox, çünki nəticə yoxdur.

        Bu səbəbdən, hörmətli istifadəçilər avtomobili yoxlatdırarkən bu məlumatları qeyd edin ki, sonrada avtomoblin tarixçəsi həm sizə, həm digər ustaya aydın olsun. Əks halda sadəcə boş yerə pul xərcləmiş olacaqsınız.

1.Nəyi yoxlatdırmısınız?
Tam adı lazımdır.Əgər sistem yarımçıq yoxlanılıbsa və ya sadəcə bir hissə yoxlanılıbsa onda sadəcə o yazılmalıdır.

2. Yoxlayan Aparatın Adı. 
Bu çox vacibdir. Çox adam elə bilir ki, elə hər aparat maşını tam yoxlaya bilir. Bu belə deyil hamısının gücü var. Ona görə belə bir hal ola bilər ki, bir aparat problemi göstərməsin amma o biri göstərsin.Ona görə aparatın marka modeli vacibdir.

3.Yoxlamanın nəticəsi Protokolu.
Burda yoxlayan şəxs , aparatın nəticələrinə həm də oz təcrübəsinə əsaslanaraq  son texniki vəziyyəti sizə verməlidir. Çünki bu sizdə olanda siz həm maşının dərdini, həm də onun servis tarixini bilmiş olursunuz.Belə ki, əgər ardıcıl bir xəta olarsa, servis tarixinin, avtomobilin tez və ucuz duzəlməsində böyük rolu olur.