Baku World Challenge 2014-FOTO
Bu gün Bakıda Blancpain Sprint seriyasının final yarışları olan "Baku World Challenge 2014"də iştirak edəcək avtomobillərin yürüşü keçirilib. Dövlət Bayrağı Meydanından start verilən yürüşə Heydər Əliyev Mərkəzinin qarşısında yekun vurulub.
Qeyd edək ki, yürüşdə “Baku World Challenge 2014”də iştirak edəcək avtomobillərlə yanaşı, Azərbaycan Avtomobil Federasiyasının təşkilatçılığı ilə keçirilmiş “V1 Challenge Azerbaijan” yarışında iştirak etmiş avtomobillər- “Volkicar” lar da iştirak edib.
Yürüşdən sonra Heydər Əliyev Mərkəzində mətbuat konfransı keçirilib. Mətbuat konfransında “Aztexnika LTD” MMC-nin prezidenti Mənuçöhr Əhədpur Xangah, Azərbaycan Avtomobil Federasiyasının baş katibi Anar Şükürov , “SRO Motosports Group”un prezidenti Stefan Ratel və “International Concept Event”in rəhbəri Reno Janfils iştirak edib.
Mənuçöhr Əhədpur Xangah bu avtomobil yarışının Bakıda artıq üçüncü dəfə keçirildiyini qeyd edib: “Baku World Challenge 2013"ün nəticələri bizi yeni yarışlara həvəsləndirdi. “Baku World Challenge 2013"ü internet vasitəsilə 150 min tamaşaçı izləyib. “Eurosport” kanalı vasitəsilə 54 ölkədə 132 milyon izləyiciyə informasiya ötürülüb. Statistik nəticələr bir daha sübut edir ki, Azərbaycan idman sahəsində nəinki region, Avropa, hətta dünyaya töhfə verməkdədir”.
Azərbaycanın dünyada idman ölkəsi kimi tanındığını qeyd edən Stefan Ratel 2015-ci ildə Birinci Avropa Olimpiya Oyunlarının, 2016-cı ildə “Formula -1” yarışının mərhələlərindən birinin, 2020-ci ildə Avropa futbol çempionatının oyunlarının Bakıda keçirilməsinin təsadüf olmadığını söyləyib.
Azərbaycan Avtomobil Federasiyasının baş katibi Anar Şükürov federasiyanın “Baku World Challenge 2014”yarışına təşkilati dəstək göstərdiyini bildirib. Federasiyanın baş katibi qeyd edib ki, digər idman növləri kimi, avtomobil idmanın inkişafına da dövlətimiz tərəfindən xüsusi qayğı göstərilir. Onun sözlərinə görə, avtomobil idmanı ilə yanaşı, federasiya yol təhlükəsizliyi üzrə maarifləndirmə və təşviqat, ekoloji təmiz avtomobillərin istifadəsi, mobillik və s. layihələr həyata keçirir. “Azərbaycan Avtomobil Federasiyası, həmçinin elektrik avtomobillər üzrə yarış- “Formula E” yarışlarının da Bakıda keçirilməsi istiqamətində danışıqlar aparir”-deyə A.Şükürov bildirib.
Xatırladaq ki, “Baku World Challenge 2014” yarışı noyabrın 1-2-də keçiriləcək. Yarışda 15 beynəlxalq komanda 30 avtomobillə mübarizə aparacaq. Eyni zamanda, “Formula-1” yarışı üzrə 10, drift üzr
